काठमाडौं । आज नेप्से सामान्य अंकले बढेको छ । नेप्से ३ दशमलव ४७ अंकले बढेर १,१६९ दशमलव ५० को विन्दुमा कायम भएको छ । फाइनान्स, निर्जीवन बीमा समुह, लाइफ इनस्योरेन्स र अन्य बाहेक सबै उपसूचक बढेका छन् । सबैभन्दा धेरै ९ दशमलव २२ प्रतिशतले होटल समुह बढेको छ ।
दिनभरिमा १ सय ६७ कम्पनीको ११ लाख ७५ हजार ३ सय १३ कित्ता शेयर ६ हजार १ सय ७४ पटक खरिदविक्री हुँदा ३७ करोड २९ लाख रुपैयाँमाथिको कारोबार भएको छ । सबैभन्दा धेरै ओरिएण्टल होटलको २ करोड ९५ लाखमाथिको कारोबार भएको छ ।
त्यस्तै, नेपाल लाइफ इन्स्योरेन्सको २ करोड ६४ लाख रुपैयाँको कारोबार भएको छ । तारागाउँ रिजेन्सी, सोल्टी होटल, हिमालयन डिस्टीलरी ,सिवम् सिमेन्ट र एनआइसी एशिया बैंकको १ करोडमाथिको कारोबार भएको छ ।
सबैभन्दा धेरै तारागाउँ रिजेन्सी होटलका लगानीकर्ताले झण्डै १० प्रतिशतका दरले कमाएका छन् भने सबैभन्दा थोरै गुडविल फाइनान्सका लगानीकताृले ५ प्रतिशतका दरले गुमाएका छन् ।
