काठमाडौं । राष्ट्रिय बीमा कम्पनीको सञ्चालक समितिको बैठकले बिज्ञ सञ्चालक नियुक्त गर्ने निर्णय गरेको छ । कम्पनीको हिजो बसेको सञ्चालक समितिको बैठकले यादवमणि उपाध्यायलाई बिज्ञ सञ्चालकको रुपमा नियुक्त गर्ने निर्णय गरेको हो । राष्ट्रिय बीमा कम्पनीका अध्यक्ष उमेशचन्द्र उपाध्यायले नयाँ बिज्ञ सञ्चालक नियुक्त गरेको पुष्टि गरेका छन् ।
यसैबीच, राष्ट्रिय बीमा कम्पनीले रिक्त सिईओ तथा डिसिईओ नियुक्ती प्रक्रिया छिट्टै सुरु गर्ने जनाएको छ । कम्पनीका अध्यक्ष उपाध्यायले राष्ट्रिय बीमा संस्थानसँगको पुरानो करको लफडाको कारण काम गर्न अप्ठेरो भएको बताउँदै अब नयाँ स्वरुपमा कम्पनीले काम कारवाही अघि बढाउने बताए ।
राष्ट्रिय बीमा कम्पनी स्रोतका अनुसार आगामी सञ्चालक समितिको बैठकमा नयाँ सिईओ नियुक्तीको लागि प्रक्रिया सुरु गर्ने प्रस्ताव लैजाने तयारी भएको छ । अध्यक्ष उपाध्यायले पनि एक।दुई साताभित्रैमा नयाँ सिईओ नियुक्तीको लागि प्रक्रिया सुरु गरिने बताए ।
सिईओको नियुक्तीसँगै रिक्त डिसिओहरु समेत पदपूर्ति गरिने कम्पनीले जनाएको छ ।
