पाँच कम्पनीको लाभांश सुरक्षित गर्ने आज अन्तिम मौका

Citizen Life Insurance Co

काठमाडौं । आज एकै दिन पाँच कम्पनीको लाभांश सुरक्षित गर्ने आज अन्तिम दिन रहेको छ । बुधबार एकैदिन पाँच कम्पनीहरुले साधारण सभा तथा गत आर्थिक वर्षको मुनाफाबाट घोषित लाभांश वितरणका लागि शेयरधनी दर्ता किताब बन्द गर्दैछन । त्यसकारण आजसम्म कायम शेयरधनीले मात्र लाभांश पाउन सक्नेछन् ।

ज्योति विकास बैंक, सिन्धु विकास बैंक, गुडविल फाइनान्स, समीट लघुवित्त र नेपाल सेवा लघुवित्तले भोली एकैदिन शेयरधनी दर्ता किताब बन्द गर्ने भएका छन् । यी पाँच वटै कम्पनीले यहि पुस २९ गते साधारण सभा सम्पन्न गर्दैछन् ।

ज्योती विकास बैंकले साधारण सभाबाट सञ्चालक समितिले शेयरधनीलाई वितरण गर्न प्रस्ताव गरेको १२.७५ प्रतिशत बोनस शेयर दिने प्रस्ताव अनुमोदन गर्नेछ ।

सिन्धु विकास बैंकले शेयरधनीलाई ११.५१ प्रतिशत बोनस शेयर र बोनसको करका लागि ०.५७५ प्रतिशत नगद लाभांश वितरण गर्ने प्रस्ताव गरेको छ । जुन साधारण सभाबाट अनुमोदन हुनेछ।

यसैगरि समीट माइक्रोफाइनान्सको साधारण सभामा २१.१० प्रतिशत बोनस शेयर र बोनसको करका लागि १.११ प्रतिशत नगद लाभांश वितरण गर्ने प्रस्ताव रहेको छ

नेपाल सेवा लघुवित्तले २.५० प्रतिशत बोनस शेयर र ०.१२५ प्रतिशत नगद लाभांश अनुमोदन गर्दैछ ।

यस्तै गुडविल फाइनान्सले गत आवको मुनाफाबाट शेयरधनीलाई १० प्रतिशत नगद लाभांश वितरण गर्ने प्रस्तावलाई अनुमोदन गर्नेछ ।

प्रतिक्रिया दिनुहोस्

सम्बन्धित समाचार