काठमाडौं । गण्डकी प्रदेशको राजधानी पोखरामा एलआईसी नेपालले प्रादेशिक कार्यालय स्थापना गरेको छ । बीमा समितिका अध्यक्ष चिरञ्जीवी चापागाँईले एलआईसी नेपालको गण्डकी प्रदेश अन्तर्गतको प्रादेशिक कार्यालयको शुक्रबार औपचारिक रुपमा उद्घाटन गरेका छन् ।
कार्यक्रमका प्रमुख अतिथि चिरञ्जीवी चापागाँईले एलआईसी नेपालले बीमा क्षेत्रमा ठूलो योगदान पुर्याएको बताए । कार्यक्रममा एलआईसी नेपालका प्रमुख कार्यकारी अधिकृत एलपी दासले नयाँ खुलेको गण्डकी प्रादेशिक कार्यालयबाट मातहतका शाखाहरुसँगको समन्वय, निगरानी, संस्थागत सुशासन, जोखिम व्यवस्थापन एवम गुनासो सुनुवाई जस्ता कार्यहरू छिटो, छरितो, चुस्त र दुरुस्त रूपमा सम्पादन हुने विश्वास व्यक्त गरे ।
