स्पर्श लघुवित्तको लाभांश सुरक्षित गर्ने आज अन्तिम दिन

Citizen Life Insurance Co

काठमाडौं । स्पर्श लघुवित्त वित्तीय संस्थाको १३ दशमलव ६८ प्रतिशत लाभांश सुरक्षित गर्ने आज अन्तिम दिन रहेको छ । पुस २७ गते कम्पनीले साधारण सभा बोलाएको छ । कम्पनीले पुस १० गतेदेखी २७ गते सम्म बुक क्लोज गर्दैछ । पुस ९ गतेसम्म कायम सेयरधनीले लाभांश सुरक्षित गर्न र सभामा भाग लिन पाउने छन् ।

सभा होटल बाराही, लेकसाइड पोखरामा बिहान ११ बजे सुरु हुने जनाएको छ ।

सभामा अन्य कुनै उपयुक्त बैंक तथा वित्तीय संस्थासँग मर्ज अथाव एक्विजिसनका लागि आवश्यक सम्पूर्ण कार्यहरु गर्न–गराउन सञ्चालक समितिलाई अख्तियारी दिने एजेन्डा पनि छ । कुनै कम्पनीसँग गाभिएपश्चात कायम हुने पुँजीबाट १०० प्रतिशत हकप्रद ल्याउने प्रस्ताव रहेको छ ।

त्यस्तै, राष्ट्र बैंकले तोकेको चुक्ता पुँजी कायम भएपश्चात १० जिल्ले कार्यक्षेत्रलाई विस्तार गरी राष्ट्रियस्तरको बनाउने प्रस्ताव पनि छ ।

साथै सभामा आर्थिक वर्ष २०७५/७६ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा रहेको छ । लेखापरीक्षक नियुक्त गरी पारिश्रमिक निर्धारण गर्ने प्रस्ताव रहेको छ ।

प्रतिक्रिया दिनुहोस्

सम्बन्धित समाचार