काठमाडौं । प्रहरी प्रधान कार्यालयले सोमबार एकै पटक ठूलो संख्यामा प्रहरी इन्सपेक्टररुको सरुवा गरेको छ । नेपाल प्रहरीका महानिरीक्षक सर्वेन्द्र खनालले एकैपटक ४४३ जना इन्सपेक्टरहरुको सरुवा गरेको सूचना प्रकाशित गरेको छ ।
नेपाल प्रहरीको वेभसाईटमा सबै सरुवा भएका प्रहरी इन्सपेक्टरहरुको सूचि सार्वजनिक गर्दै उनीहरुको तलव भत्ता पुस महिनादेखि सरुवा भएको ठाउँबाट पाउने व्यवस्था गरिएको जनाइएको छ ।
प्रहरी प्रधान कार्यालयले मुद्दा शाखा, अनुसन्धान शाखा तथा प्रशासन शाखाका प्रहरी इन्सपेक्टरहरुको सरुवा गरेको हो ।
