हिमालयन डिष्टिलरीको साधारण सभा सम्पन्न, १७१% लाभांश पारित

काठमाडौं । हिमालयन डिष्टिलरी लिमिटेडको १७१ दशमलव ०५ प्रतिशत लाभांश पारित भएको छ । कम्पनीको १९औं वार्षिक साधारणसभाले बोनस र नगद गरी १०२.६३ प्रतिशत र अन्तरिम लाभांश ६८.४२ प्रतिशत गरी कुल १७१ दशमलव ०५ प्रतिशत लाभांश प्रस्ताव पारित गरेको जनाएको छ ।

कम्पनीका अध्यक्ष अखिलेश्वर प्रसाद सिंहको सभापतित्वमा सम्पन्न सभाले गत आर्थिक वर्षको नाफाबाट ५२.६३ प्रतिशत नगद र ५० प्रतिशत वोनस शेयर प्रस्ताव पारित गरेको हो ।

हिमालयन डिष्टिलरी लिमिटेडले आ.व. २०७५।०७६ मा अघिल्लो वर्षको तुलनामा २३ प्रतिशतको वृद्धि सहित ६ अर्ब ४४ करोड ११ लाख रुपैयाँको संचालन आम्दानी हासिल गरेको छ । त्यस्तै अघिल्लो वर्षको तुलनामा ८२.६५ प्रतिशतको वृद्धि सहित ५३ करोड ७० लाख रुपैयाँको खुद मुनाफा आर्जन गरेको छ

हिमालयन डिष्टिलरी लिमिटेडले कारखानामा प्रत्यक्ष रुपमा ३०० भन्दा वढिलाई रोजगारी प्रदान गरिरहेको छ । कारखानामा उर्जासह–उत्पादन हुने प्रविधि जडान हुनका साथ साथै उच्च स्तरीय प्रदुषण नियन्त्रण प्रणाली(इफ्ल्युएन्ट ट्रिटमेन्ट प्लान्ट)समेत जडान गरिएको छ ।

प्रतिक्रिया दिनुहोस्

सम्बन्धित समाचार