पुस १४ गतेदेखि कुमारी बैंकको ३० लाख इकाई ऋणपत्र निष्काशन हुने

Citizen Life Insurance Co

काठमाडौं । कुमारी बैंकले पुस १४ गतेदेखि ३० लाख इकाई ऋणपत्र निष्कासन गर्ने भएको छ । यसमध्ये १२ लाख इकाईमा सर्वसाधारण लगानीकर्ताले आवेदन दिन सक्नेछन् । बाँकी १८ लाख इकाई भने बैंकले आफ्नै पहलमा अन्य संघसंस्थाहरुलाई बिक्री गर्ने जनाएको छ ।

ऋणपत्रमा वार्षिक १०.२५ प्रतिशत ब्याज पाइनेछ । कुमारी बैंकले १० वर्ष अवधिको ‘कुमारी बैंक डिबेन्चर २०८६’ नाममा ऋणपत्र बिक्री गर्न लागेको हो ।

रेटिङ एजेन्सी इक्रा नेपालले यो ऋणपत्रलाई मध्यम कर्जा जोखिम जनाउने ‘इक्रा एनपी बीबीबी प्लस’ रेटिङ दिएको हो । यसमा बिक्री प्रबन्धकको काम नेपाल एसबीआई मर्चेन्ट बैंकिङले गर्नेछ ।

लगानीकर्ताले पुस १७ गतेसम्म यसमा आवेदन दिन पाउनेछन् । उक्त अवधिमा सबै ऋणपत्र बिक्री नभएमा माघ १४ गतेसम्म आवेदन दिन पाइनेछ । कुमारी बैंकको ऋणपत्रमा प्रतिइकाई १ हजार रुपैयाँको दरले आवेदन दिनुपर्नेछ ।

प्रतिक्रिया दिनुहोस्

सम्बन्धित समाचार