नेपालगन्ज । यूनियन लाइफ इन्स्योरेन्स कम्पनी लिमिटेडद्धारा झबिन्द्र प्रसाद मरासिनी सम्मानित भएका छन् । कम्पनीकोे पहिलो सिओटी हुन सफल भएकोमा उनलाई सम्मान गरिएको जनाएको छ । कार्यक्रम यूनियन लाइफ इन्स्योरेन्स कर्णाली प्रदेशको आयोजनामा नेपालगन्जमा सम्पन्न भएको थियो ।
कार्यक्रममा मरासिनीलाई यूनियन लाइफ इन्स्योरेन्स कम्पनी लिमिटेडका मार्के्टिङ हेड (सिनियर डिजिएम) कोषराज सुबेदीले खादा ओढाएर सम्मान गरेका थिए ।
गत आर्थिक वर्षमा यूनियन लाइफको नेपाल प्रथम हुन सफल मरासिनी एमडिआरटि हुँदै यूनियनको पहिलो सिओटी समेत बन्न सफल भएका हुन् ।
सम्मान कार्यक्रममा बोल्दै मरासिनीले जीवन बिमा जीवन रहदा आफुलाई र जीवन पछि परिवारको लागि काम लाग्ने भएकाले यो क्षेत्रमा लागेको बताए साथै आफ्नो अथक मेहनतले फल प्राप्त भएकोमा खुसी समेत ब्यक्त गरेका थिए ।
कार्यक्रममा युनियन लाइफका प्रदेश प्रमुख नारायण पङ्गेनीको समेत उपस्थिति रहेको थियो ।
