गण्डकी विकास बैंकको तीन नयाँ शाखा विस्तार

काठमाडौं । गण्डकी विकास बैंकले एकै दिन तीन नयाँ शाखा सञ्चालनमा ल्याएको छ । बैंकले जुम्लाको खलंगा, पोखराको बाझापाटन र काठमाडौंको मैतिदेवीमा नयाँ शाखा विस्तार गरेको जनाएको छ ।

जुम्ला शाखाको उद्घाटन चन्दननाथ नगरपालिका वडा नं. ५ का वडा अध्यक्ष अर्जुन सिंह कठायत र बैंकका सञ्चालक नारायण बहादुर बानियाले संयुक्त रुपमा गरेका छन् ।

हालसम्म बैंकले देशका ९१ वटा शाखाहरुबाट वित्तीय कारोवार उपलब्ध गराउँदै आएको छ ।