काठमाडौं । एनएमबि बैंक लिमिटेडले २४औं वार्षिक साधारण सभा पुस २४ गते भएको छ । बैंकको मंसिर २४ गते बसेको सञ्चालक समितिको बैठकले सभा गर्ने निर्णय गरेको हो । बैंकले बिहान १० बजे राष्ट्रिय सभा गृह, प्रदशनी मार्ग, काठमाडौंमा सभा गर्ने जनाएको छ ।
सभा प्रयोजनको लागि बैंकले शेयरधनीदर्ता पुस्तिका पुस ४ गतेदेखि २४ गतेसम्म बन्द गर्ने जनाएको छ । पुस ३ गतेसम्म कायम रहने शेयरधनीले मात्र साधारण सभामा भाग लिन र लाभांश पाउनेछन् ।
सभामा बैंकले शेयरधनीका लागि हाल कायम चुक्तापूँजीको २१ प्रतिशत बोनस शेयर र १४ प्रतिशत नगद लाभांश वितरण गर्ने प्रस्ताव पारित गर्नेछ ।
त्यस्तै, सभाको प्रस्तावमा बैंकको जारी पूँजी वृद्धि गर्ने, प्रबन्धपत्र तथा नियमावलीमा संशोधन गर्ने, अन्य बैंक तथा वित्तिय संस्थालाई प्रप्ति गर्न र एक आपसमा गाभ्ने गाभिन तथा मर्जरको लागि सञ्चालक समितिलाई अख्तियारी प्रदान गर्ने, ६ जना सञ्चालकको निर्वाचन गर्ने लगायतका प्रस्तावहरु रहेका छन् ।
