काठमाडौं । सिद्धार्थ बैंकले साना तथा मझौला व्यवसायलाई लक्षित गर्दै आकर्षक ब्याजदरमा ७५ लाख रुपैयाँसम्मको कर्जा सुविधा प्रदान गर्न “सरल एसएमी कर्जा” योजना सञ्चालनमा ल्याएकोे छ ।
बैंकले साना तथा मझौला उद्यमीहरुले व्यक्तिगत ऋणदाताहरुबाट उच्च ब्याजदरमा ऋण लिनुको सट्टा बैंकबाटै सहज रूपमा कर्जा सुविधा प्राप्त गर्न सकुन भन्ने उद्देश्यले यस योजना ल्याएको हो ।
सरल एसएमी कर्जा सुविधा साना तथा मझौला व्यवसायीको वित्तीय पहुँचमा वृद्धि गर्नका लागि उल्लेख सहयोग पु¥याउने बैंकको विश्वास राखेको छ । यो कर्जा सुविधा विशेष गरी पर्यटक, कृषि संलग्न तथा महिला उद्यमीहरुका लागि लक्षित गरिएको छ ।
साथै यस योजनामा १० वर्षसम्मको आवधिक कर्जा,पुर्व भुक्तानी शुल्क नलाग्ने ,चालु पूंजी र स्थायी सम्पत्तीको ८० प्रतिशत सम्म फाइनान्सिङ सुविधा, लकर सुविधामा वार्षिक ५० प्रतिशत छुट सुविधा रहेको छ ।
