नारायणगढ । राष्ट्रिय बीमा संस्थानको नारायणगढ शाखाले बीमा अभिकर्ताका लागि आधारभुत तालिम दिएको छ । अभिकर्ता तालिमको माध्यमबाट व्यवसाय विस्तार र आम नागरिकमा बीमाको आवश्यकता र महत्वको बारेमा जानकारी प्रदान गर्ने उद्देश्यले उक्त तालिमको आयोजना गरिएको कम्पनीले जनाएको छ ।
उक्त तालिम तीन दिनसम्म संचालन भएको समेत कम्पनीले जनाएको छ । संस्थानका नारायणगढ शाखाका प्रमुख उषा सापकोटाको संयोजकत्वमा सञ्चालित उक्त तालिम कार्यक्रममा ३५ जना प्रशिक्षार्थीहरुको सहभागिता रहेको थियो ।
तालिम कार्यक्रममा संस्थानका बुटवल शाखाका प्रमुख लगायत चार जना प्रशिक्षकहरुद्धारा बीमा व्यवसायको सम्वन्धमा प्रशिक्षण भएको थियो ।
