युनाइटेड इन्स्योरेन्सको लिलामी सेयरमा आवेदन दिने आज अन्तिम दिन

काठमाडौं युनाइटेड इन्स्योरेन्सको लिलामी सेयरमा आवेदन दिने आज मंगलबार अन्तिम दिन रहेको छ । कम्पनीले मंसिर १० गतेबाट ४ लाख ९९ हजार १९२.६० कित्ता सेयर लिलामीमा ल्याएको थियो ।

जसमा १ लाख ५७ हजार ६४९।६० कित्ता संस्थापक र ३ लाख ४१ हजार ५४३ कित्ता सेयर सर्वसाधरण समूहको छ । कम्पनीले २४०५ हकप्रद सेयर जारी गर्दा सबै बिक्री नभएपर्छि लिलामी प्रक्रियाबाट बिक्रीमा ल्याएको जनाएको छ ।

कम्पनीले गत भदौ ३ गतेदेखि असोज २३ गतेसम्म ७२ लाख ५७ हजार ६०० कित्ता (२४० प्रतिशत) हकप्रद सेयर बिक्री गरेको थियो । यसको न्यूनतम अंकित मूल्य १ सय रुपैयाँ तोकिएको छ । लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्छ । यसमा एनएमबि क्यापिटल नागपोखरी काठमाडौंबाट आवेदन दिन सकिनेछ ।

त्यसैगरी, एनएमबि बैंकको झापा, जनकपुर, चितवन, बाग्लुङ्ग, घोराही, सुर्खेत र महेनद्रनगरबाट पनि आवेदन दिन सकिनेछ । एनएमबिकै विराटनगर, वीरगञ्ज, हेटौडा, पोखरा, बुटवल, नेपालगञ्ज र धनगढी शाखाबाट पनि लिलामी सेयरमा आवेदन दिन सकिने समेत कम्पनीले जनाएको छ ।

प्रतिक्रिया दिनुहोस्

सम्बन्धित समाचार