काठमाडौं । सर्वोच्च अदालतले बैंक अफ काठमान्डू (बिओके) का पूर्व सिईओ अजय श्रेष्ठलाई धरौटीमा रिहा गर्न आदेश दिएको छ । अदालतले श्रेष्ठसँगै किरण कुमार बोहोरालाई पनि धरौटीमा रिहा गर्न आदेश दिएसँगै आजै रिहा भएका छन् ।
आईतबार न्यायधीशद्वय सपना मल्ल प्रधान र कुमार रेग्मीको संयुक्त इजलासले नक्कली धितोमा कर्जा प्रवाह गरेको अभियोग लागेको पूर्व सिईओ श्रेष्ठलाई एक करोड धरौटीमा रिहा गर्ने आदेश दिएको हो ।
खोलाको जग्गा धितोमा ऋण दिएको अभियोगमा प्रहरीले बिओकका पूर्व सिईओ श्रेष्ठलाई गत असोज ५ गते पक्राउ गरेको थियो । यसका साथै उच्च अदालत पाटनले श्रेष्ठलाई थुनामा राखेर अनुसन्धान गर्न प्रहरीलाई अनुमति दिएको थियो ।
श्रेष्ठले पाटनको थुनामा राखेको विरुद्धमा सर्बोच्च अदालतमा गएका थिए । सर्वोच्च अदालतले उक्त मुद्दाको सुनुवाइ गर्दै धरौटी आदेर थुनामुक्त भई मुद्दा पुपक्र्ष गर्न आदेश दिएको हो ।
