चितवन । बीमा पोलिसीलाई विभिन्न उत्सवहरुमा उपहार स्वरुप दिने क्रम बढ्दै गएको छ । यसै क्रममा चितवनको भरतपुर–१५ निवासी लक्ष्मी श्रेष्ठले बिहिवार छोरी अनुभा श्रेष्ठको जन्म दिनको अवसरमा सन नेपाल लाइफ इन्स्योरेन्स कम्पनी भरतपुर शाखाबाट जारी जीबन बीमा पोलिसी उपहार दिएकी छिन् ।
छोरीको भविष्य सुनिश्चित गर्न १० औं जन्मदिनको अवसरमा १० लाख रुपैयाँको बीमा गरी पोलिसी उपहार स्वरुप दिएको लक्ष्मीले बताइन् । बालसमृद्धि बीमा पोलिसी अन्तर्गत बच्चाको उमेर १६ वर्ष पुग्दा सम्म बच्चा र प्रस्ताव दुवैको जोखिम कभरेज हुने कम्पनीका सहायक महाप्रबन्धक घनश्याम पुरीले बताए । बीमा अवधी समाप्त भएपछि बीमाङ्क रकम १० लाख रुपैयाँ र बोनस पाइनेछ ।
विभिन्न पर्व उत्सव तथा जन्म दिनमा हुने अनावश्यक खर्च कटौती गरी भविष्यमा हुने शिक्षा तथा स्वास्थको ग्यारेन्टी हुने भएकोले सन नेपाल लाइफ इन्स्योरेन्स कम्पनीमा बीमा गरिएको श्रेष्ठले बताईन् ।
कम्पनीका सहायक महाप्रबन्धक पुरीले बीमित बालिकालाई जन्मदिनको अवसरमा बिमा पोलिसी हस्तान्तरण गरेको कम्पनीले जनाएको छ । सो बीमा पोलिसी हस्तान्तरण कार्यक्रममा भरतपुर उपशाखाका प्रमुख रविन्द्र अधिकारी, अभिभावक, आफन्त र कम्पनीका कर्मचारीहरुको उपस्थितिमा थियो ।
