काठमाडौं । लुम्बिनी विकास बैंकले चालु आर्थिक वर्षको पहिलो त्रैमासको वित्तीय विवरण प्रकाशन गरेको छ । बैंकले चालु आर्थिक वर्षको पहिलो त्रैमासमा ११ करोड ९९ लाख ३९ हजार रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा बैंकको खुद नाफा ३.०४ प्रतिशतले बढी हो । गत वर्ष बैंकले ११ करोड ६३ लाख ९७ हजार रुपैयाँ खुद नाफा कमाएको थियो ।
असोज मसान्तसम्म आइपुग्दा बैंकको वितरण योग्य नाफा १ करोड ७३ लाख २२ हजार रुपैयाँ पुगेको छ ।
चालु आर्थिक वर्षको यस अवधिसम्म बैंकलेखुद ब्याज आम्दानीमा समेत बृद्धि गर्न सफल भएको छ । बैंकले यस अवधिसम्म ३० करोड ६९ लाख रुपैयाँ खुद ब्याज आम्दानी गरेको छ । गत आर्थिक वर्षको सोही अवधिको तुलनामा बैंकको खुद ब्याज आम्दानी ३१ प्रतिशतले बढी हो ।
त्यस्तै बैंकको संचालन मुनाफा पनि बृद्धि भएको छ । गत आर्थिक वर्षको सोही अवधिको तुलनामा बैंकको संचालन मुनाफा ९ प्रतिशतले बढी हो ।
बैंकको प्रतिसेयर आम्दानी ७ रुपैयाँ ६३ पैसाले बढेर १८ रुपैयाँ ५५ पैसामा आएको छ । प्रतिसेयर नेटवर्थ १६५ रुपैयाँ ४१ पैसा रहेको छ ।
