प्रथम त्रैमासमा ज्योति लाईफको यस्तो प्रगति, २७ करोड बीमा शुल्क, चार करोड मुनाफा

काठमाडौँ । ज्योति लाइफ इन्स्योरेन्सले चालु आर्थिक वर्ष २०७६/७७ को प्रथम त्रैमासको वित्तीय विवरण प्रकाशित गरेको छ ।

कम्पनीले चालु आर्थिक वर्षको प्रथम त्रैमासको अवधिमा २६ करोड ४२ लाख रुपैयाँ खुद बीमा शुल्क आर्जन गर्न सफल भएको छ । गत आवको सोही अवधिमा कम्पनीले १२ करोड २ लाख रुपैयाँ खुद बीमा शुल्क आर्जन गर्न सफल भएको थियो । चालु आवमा कम्पनीले आफ्नो व्यापार दोब्बरले बृद्धि गर्न सफल भएको हो ।

त्यस्तै, चालु आवको प्रथम त्रैमासको अवधिमा इन्स्योरेन्सले २७ करोड ६५ लाख रुपैयाँ कुल बीमा शुुल्क आर्जन गर्न सफल भएको छ । गत आवको सोही अवधिमा कम्पनीले १२ करोड ३४ लाख रुपैयाँ कुल बीमा शुल्क आर्जन गर्न सफल भएको थियो ।

चालु आवको प्रथम त्रैमासको अवधिमा कम्पनीले झण्डै चार करोड अर्थात ३ करोड ७६ लाख रुपैयाँ नाफा कमाएको छ । अघिल्लो आर्थिक वर्षको सोही अवधिमा कम्पनीले ३ करोड रुपैयाँ खुद नाफा कमाएको थियो । यद्यपि बीमा कम्पनीहरुको मुनाफा लेखा परिक्षणको क्रममा बीमाङ्कीय मूल्याङ्कनको क्रममा थपघट हुनसक्नेछ । प्रथम त्रैमासको अवधिमा इन्स्योरेन्सले १० लाख ७२ हजार रुपैयाँ कुल दाबी भुक्तानी गरेको छ ।

चालु आर्थिक वर्षको प्रथम त्रैमासको अवधिमा कम्पनीमा चार हजार २०६ वटा बीमालेख कायम भएका छन् । चुक्ता पूँजी १ अर्ब ५४ करोड रुपैयाँ रहेको कम्पनीको जगेडा कोषमा २४ करोड २० लाख रुपैयाँ रहेको छ ।

चालु आवको प्रथम त्रैमासको अवधिमा कम्पनीको जीवन बीमा कोष ९१ करोड ४६ लाख रुपैयाँ पुगेको छ । गत आवको सोही अवधिमा कम्पनीको बीमा कोषमा २२ करोड ६० लाख रुपैयाँ रहेको थियो । कम्पनीको प्रति शेयर आम्दानी ९ रुपैयाँ ७६ पैसा रहेको छ । प्रति शेयर नेटवर्थ १ सय १७ रुपैयाँ ८९ पैसा रहेको छ ।

प्रतिक्रिया दिनुहोस्

सम्बन्धित समाचार