नेपाल इन्फ्रास्ट्रक्चरको एजिएम मंसिर २९ गते, ८ अर्ब रुपैयाँको आईपीओ निष्कासन गर्ने प्रस्ताव

काठमाडौं । नेपाल इन्फ्रास्ट्रक्चर बैंक लिमिटेडको पहिलो वार्षिक साधारण सभा मंसिर २९ गते हुने भएको छ । र्याडिसन होटल लाजिम्पाट, काठमाडौंमा बेलुका ४ बजे सभा बोलाएको बै.कले जनाएको छ ।

उक्त सभामा आर्थिक वर्ष २०७४/७५र २०७५/७६ को वार्षिक प्रतिवेदन माथि छलफल गरी पारित गर्ने, गत आवको नाफा नोक्सान हिसाब र नगद प्रवाह विवरण पारित गर्ने, वाह्य लेखा परीक्षकको नियुक्ति र निजको पारिश्रमिक निर्धारण गर्ने एजेण्डाहरु रहेको जनाएको छ ।

साथै, वर्तमान लेखा परीक्षकलाई पुनः नियुक्त गर्ने लगायतको विषयमा छलफल गर्न,संस्थापक समूहबाट प्रतिनिधित्व गर्ने सञ्चालकको निर्वाचन गर्ने प्रस्ताव पनि रहेको छ ।

त्यस्तै, बैंकको विशेष प्रस्तावमा सर्वसाधारणलाई ४० प्रतिशत र कर्मचारीलाई शून्य दशमलव २ प्रतिशतले हुने ८ अर्ब रुपैयाँ बराबरको आईपीओ निष्कासन गर्ने सम्बन्धी प्रस्ताव छलफल गरी पारित गर्ने एजेण्डा रहेको छ ।

प्रतिक्रिया दिनुहोस्

सम्बन्धित समाचार