काठमाडौँ । सिद्धार्थ इन्स्योरेन्सले चालु आर्थिक वर्षको प्रथम त्रैमासको वित्तीय विवरण प्रकाशित गरेको छ ।
चालु आवको पहिलो त्रैमासको अवधिमा कम्पनीले चार करोड ७९ लाख रुपैयाँ खुद नाफा आर्जन गर्न सफल भएको छ । गत आवको सोही अवधिमा कम्पनीले चार करोड ६६ लाख रुपैयाँ खुद नाफा कमाउन सफल भएको थियो ।
सिद्धार्थ इन्स्योरेन्सले प्रथम त्रैमासको अवधिमा ५६ करोड २८ लाख रुपैयाँ कुल बीमा शुल्क आर्जन गरेको छ । गत आवको सोही अवधिमा कम्पनीले ५२ करोड ६३ लाख रुपैयाँ कुल बीमा शुल्क आर्जन गरेको थियो । त्यस्तै, प्रथम त्रैमासको अवधिमा इन्स्योरेन्सले २७ करोड ६८ लाख रुपैयाँ खुद बीमा शुल्क आर्जन गर्न सफल भएको छ । गत आवको सोही अवधिमा कम्पनीले २३ करोड ३९ लाख रुपैयाँ खुद बीमा शुल्क आर्जन गरेको थियो ।
चलु आवको प्रथम त्रैमासको अवधिमा कम्पनीले २६ करोड २३ लाख रुपैयाँको दाबी भुक्तानी गरेको छ । गत आवको सोही अवधिमा कम्पनीले २२ करोड ३९ लाख रुपैयाँ कुल दावी भुक्तानी गरेको थियो । त्यस्तै, इन्स्योरेन्सले चालु आवको प्रथम त्रैमासको अवधिमा २६ करोड २३ लाख रुपैयाँ खुद दावी भुक्तानी गरेको छ । गत आवको सोही अवधिमा कम्पनीले २२ करोड २९ लाख रुपैयाँ खुद दावी भुक्तानी गरेको थियो ।
चालु आवको प्रथम त्रैमासको अवधिमा कम्पनीमा भुक्तानी हुन बाँकी दावी रकम ७० करोड २८ लाख रुपैयाँ रहेको छ । चालु आवको प्रथम त्रैमासमा कम्पनीले ३८ हजार ५ सय ७७ बीमालेख जारी गरेको छ । चुक्ता पूँजी एक अर्ब रहेको कम्पनीको जगेडा कोषमा १७ करोड २० लाख रुपैयाँ रहेको छ । त्यस्तै, इन्स्योरेन्सको बीमा कोषमा ६८ करोड ८५ लाख रुपैयाँ संचित छ ।
