काठमाडौं । आज पनि नेप्से सामान्य अंकले घटेको छ । शेयर बजार ० दशमलव २४ अंकले घटेर १,१३१ दशमलव १२ को विन्दुमा कायम भएको छ । आज हाइड्रोपावर, उत्पादनमुलक, म्युचल फण्ड र अन्य बाहेक सबै उपसूचक घटेका छन् । सबैभन्दा धेरै ३८ अंकले उत्पादनमुलक घटेको छ ।
दिनभरिमा १ सय ६० कम्पनीको ११ लाख ८८ हजार ८ सय ४५ कित्ता शेयर ४ हजार ९ सय ५७ पटक खरिदविक्री हुँदा ३५ करोड ६८ लाख ६१ हजार ८ सय ५७ रुपैयाँको कारोबार भएको छ । सबैभन्दा धेरै नेपाल बैंकको ८ करोड ३९ लाख रुपैयाँको कारोबार भएको छ ।
त्यस्तै, एनएमबि बैंकको ३ करोड ६८ लाख रुपैयाँको कारोबार भएको छ भने प्राइम कमर्सियल बैंक, कृषि विकास बैंक र शिवम् सिमेन्टको २ करोडमाथिको कारोबार भएको छ । नबिल बैंक र एनआइसी एशिया बैंकको १ करोडमाथिको कारोबार भएको छ ।
साल्ट ट्रेडिङ कर्पोरेशन कम्पनीका लगानीकर्ताले सबैभन्दा धेरै ९ दशमलव ९ट प्रतिशतका दरले कमाएका छन् भने यूनिभर्सल पावर कम्पनीका लगानीकर्ताले सबैभन्दा धेरै ५ प्रतिशतका दरले गुमाएका छन् ।
