काठमाडौं । एकै दिन सनराइज बैंकले एक शाखा र दुई एक्सटेन्सन काउण्टर संचालनमा ल्याएको छ । बैंकको १२३ औं शाखा कैलालीको भजनी नगरपालिकामा संचालनमा ल्याएको बैंकले जनाएको उक्त नयाँ शाखाको उद्घाटन कैलालीको भजनी नगरपालिकाका नगर प्रमुख शेरबहादुर चौधरी र बैंकका नायव प्रमुख कार्यकारी अधिकृत आशा राणा अधिकारीले संयुक्त रmपमा गरे ।
उक्त उद्घाटन कार्यक्रममा भजनी नगरपालिकाका नगरका प्रतिनिधि तथा बैंकका अन्य पदाधिकारीको उपस्थिति रहेको थियो । त्यस्तै बैकले भक्तपुर स्थित दधिकोटमा ७औं तथा काठमाडौं स्थित धापासीमा ८औं एक्सटेन्सन काउण्टर विस्तार गरेको छ ।
देशभरी हालसम्म सनराइज बैंकका एक सय २३ वटा शाखा, ३८ वटा शाखारहित बैंकिङ्ग सेवा, ८ वटा एक्सटेन्सन काउण्टर र एक सय ४४ वटा एटिएम मार्फत आफ्ना करिब ६लाख ग्राहकहरुलाई सेवाप्रदान गर्दै आइरहेको छ ।
