काठमाडौं । सानिमा जनरल इन्स्योरेन्स कम्पनीले आर्थिक वर्ष २०७६।७७ को प्रथम त्रैमासको वित्तीय विवरण सार्वजनिक गरेको छ ।
कम्पनीले आर्थिक वर्ष २०७६।७७ को प्रथम त्रैमासको अवधिसम्म ८ करोड ९३ लाख रुपैयाँ कुल बीमा शुल्क आर्जन गर्न सफल भएको छ । गत आवको सोही अवधिको तुलनामा ४८२ प्रतिशतले बढी हो । गत आवको सोही अवधिमा कम्पनीले एक करोड ५३ लाख रुपैयाँ कुल बीमा शु्ल्क आर्जन गरेको थियो ।
आर्थिक वर्ष २०७६।७७ को प्रथम त्रैमासको समीक्षा अवधिमा कम्पनीले ७४ लाख ६३ हजार रुपैयाँ खुद नाफा कमाएको छ । गत आवको सोही अवधिमा यो नाफा २ प्रतिशतले बढी हो । गत आवको सोही अवधिमा कम्पनीले ७३ लाख ४० हजार रुपैयाँ खुुद नाफा कमाएको थियो ।
त्यस्तै, आर्थिक वर्ष २०७६।७७ को प्रथम त्रैमासको अवधिसम्ममा कम्पनीले तीन करोड ४८ लाख रुपैयाँ खुद बीमा शुल्क आर्जन गरेको छ । गत आवको सोही अवधिमा कम्पनीले ३१ लाख रुपैयाँ खुद बीमा शुल्क आर्जन गरेको थियो ।
कम्पनीले प्रथम त्रैमासको अवधिमा १० हजार ८ सय ४९ वटा बीमालेख जारी गर्न सफल भएको छ । ७० करोड रुपैयाँ चुक्ता पूँजी रहेको कम्पनीको जगेडा कोषमा २ करोड ६८ लाख रुपैयाँ रहेको छ । कम्पनीको बीमा कोषमा तीन करोड २० लाख हजार रुपैयाँ संचिति रहेको छ ।
कम्पनीले आर्थिक वर्ष २०७६।७७ को प्रथम त्रैमासको अवधिमा ६९ लाख ३५ हजार रुपैयाँ कुल दावी भुक्तानी गरेको छ । त्यस्तै, कम्पनीले प्रथम त्रैमासको अवधिमा ३१ लाख ९५ हजार रुपैयाँ खुद दावी भुक्तानी गरेको छ । 
