काठमाडौं । सिटिजन लाईफ इन्स्योरेन्सले चालु आर्थिक वर्षको प्रथम त्रैमासको वित्तीय प्रतिवेदन सार्वजनिक गरेको छ।
कम्पनीले चालु आर्थिक वर्षको प्रथम त्रैमासमा ५ करोड १ लाख खुद नाफा गरेको छ। गत वर्ष सोही अवधिमा कम्पनीले २ करोड १९ लाख कमाएको थियो। जीवन बीमा कम्पनीको हकमा एकचुअरी पश्चात मात्र वास्तविक नाफा आउने छ।
कम्पनीको जगेडा कोष १७८ प्रतिशतले वृद्धि हुँदै ३७ करोड ५० लाख पुगेको छ भने जीवन बीमा कोष ३७४ प्रतिशतले वृद्धि हुँदै ८० करोड ३८ लाख पुगेको छ।
कुल बीमा शुल्क आर्जन रकम १०६ प्रतिशतले वृद्धि हुँदै ३३ करोड ९४ लाख पुगेको छ भने खुद बीमा शुल्क आर्जन रकम ११७ प्रतिशतले वृद्धि हुँदै ३३ करोड ३५ लाख पुगेको छ।
त्यस्तै कुल दावी भुक्तानी ७ प्रतिशतले वृद्धि हुँदै १ करोड ५ लाख पुगेको छ भने खुद दावी भुक्तानी ४४ प्रतिशतले वृद्धि हुँदै १ करोड ५ लाख पुगेको छ। भुक्तानी हुन् बाँकी दावी रकम ४४ लाख ५० हजार रहेको छ ।
कम्पनीले भविष्यमा आईपिओ मार्फत २ अर्ब पुँजीको लक्ष्य हासिल गर्ने छ।
