काठमाडौँ । सगरमाथा इन्स्योरेन्स कम्पनी र ग्रिनसिटी अस्पतालबीच अस्पतालले प्रदान गर्ने सुबिधाहरुमा छुट उपलब्ध गराउने सम्बन्धि सम्झौता भएको छ । सम्झौतामा सगरमाथा इन्स्योरेन्सका तर्फबाट प्रमुख कार्यकारी अधिकृत चंकी क्षेत्री र ग्रिनसिटी अस्पतालका तर्फबाट अध्यक्ष्य लोक बहादुर टण्डनले हस्ताक्षर गरेका हुन् ।
सम्झौता अनुसार सगरमाथा इन्स्योरेन्स कम्पनीबाट मोटर बीमा गर्ने ग्राहकहरुलाई उपलब्ध गराईएको भिआइपी कार्ड प्रयोगकर्ताहरुले ग्रिनसिटी अस्पतालमा छुट पाउने छन् । साथै कम्पनीका कर्मचारीहरु समेतले सो अस्पतालमा उपचार गर्दा अस्पतालले प्रदान गर्ने बिभिन्न सेवा सुबिधामा छुट पाउने छन् ।
