काठमाडौं । बीमा समितिको आयोजनामा यही कार्तिक २९ गते शुक्रबार नेपालमा रहेको २९ वटै जीवन बीमा कम्पनीका प्रतिनिधि र एक्चुरीबीच बृहद छलफल हुने भएको छ ।
जीवन बीमा कम्पनीहरुको एक्चुरियल भ्यालुएशनमा ढिलाई हुने तथा त्यसमा आउन सक्ने समस्याको सम्बन्धमा छलफल आयोजना लागिएको बीमा समितिले जनाएको छ । सबै जीवन बीमा कम्पनीहरुबाट प्रतिनिधि सहभागी गराएर एक्चुरीसँग छलफल गर्न लागिएको हो । बीमा समितिले आवश्यक तयारीमा जुटिरहेको छ ।
समितिका अनुसार शुक्रबार भारतबाट आएका एक्चुरी र सबै जीवन बीमा कम्पनीका प्रतिनिधिहरुका बीचमा छलफल हुनेछ । छलफलकै लागि भारतबाट एक्चुरी नेपाल आउदैछन् । यसको सबै संयोजन नियमनकारी निकाय बीमा समितिले गर्दैछ ।
त्यस्तै शनिबार भारतबाट आएका बिज्ञ एक्चुरीसँग त्रिभुवन विश्व विद्यालयमा एक्चुरियल साइन्स पढ्दै गरेका विद्यार्थीहरुसँग अन्तरक्रिया हुनेछ । विद्यार्थीहरुमा एक्चुरी सम्बन्धी ज्ञान बृद्धिका लागि अन्तरक्रिया फलदायी हुनसक्ने बीमा समितिको विश्वास छ ।
