काठमाडौं । हिमालयन बैंकको सहायक कम्पनी हिमालयन क्यापिटलले औपचारिक कारोबार थालेको छ । शुक्रबार एक कार्यक्रमबीच बैंकका अध्यक्ष मनोज बहादुर श्रेष्ठले क्यापिटलकको समुद्घाटन गर्दै सेवा शुभारम्म गरेको घोषणा गरेका हुन् ।
हिमालयन बैंकको पूर्ण स्वामित्वमा रहेको हिमालयन क्यापिटललको चुक्ता पूँजी २० करोड रुपैयाँ छ ।कम्पनीले मर्चेन्ट बैकिङ तथा इन्भेष्टमेन्ट सम्बन्धी सबै काम गर्नेछ । हिमालयन क्यापिटलले नेपाल धितोपत्रबोर्ड बाट गत श्रावण २६ गते सम्पूर्ण मर्चेन्ट बैंकिग कारोबार गर्ने इजाजत पाएको थियो ।
क्यापिटललको अध्यक्षमा बैंकका तर्फबाट सुशिल जोशी र अन्य संचालकमा सुनिल गोर्खाली तथा सतिशराज जोशी रहेका छन् । कम्पनीको मुख्य कार्यालय ठमेलमा रहेको छ ।
