अर्घाखाँची । प्राइम लाइफ इन्स्योरेन्स कम्पनीले अर्घाखाँची सन्धीखर्कका बिमित विशाल पाण्डेलाई उपहार बीमालेख हस्तान्तरण गरेको छ । गत वर्षबाट सुरु भएको प्राइम जीवन उपहार बीमा योजना अन्तर्गत दोस्रो वर्षमा पहिलो बीमा पोलिसी बराबरकै दोस्रो बीमा पोलिसी उपहार स्वरुप प्रदान गरिएको हो ।
एक कार्यक्रमका बीच बिहिवार प्राईम लाईफ इन्स्योरेन्स सन्धीखर्क शाखाका प्रमुख नारायण घिमिरेले सन्धिखर्क नगरपालिका वडा नं. ११ बस्ने बीमीत बिशाल पाण्डेलाई पाँच लाख ४८ हजार रुपैयाँको बीमा पोलिसी प्रदान गरेका छन् ।
प्राईम लाईफले गत वर्षदेखि एउटा बीमा पोलिसी किन्दा एक वर्षपछि सोही मुल्य बराबरको अर्को बीमा पोलिसी उपहार दिने उपहार बीमा योजना बजारमा ल्याएको थियो । सन्धीखर्कमा पहिलो पटक उपहार बीमा पोलिसी हस्तान्तरण गरिएको शाखा प्रमुख नारायण घिमिरेले बताए ।
