काठमाडौं । प्रभु बैंकले कार्तिक २१ गतेदेखि ऋणपत्र निष्काशन गर्ने भएको छ । बैंकले १ अर्ब रुपैयाँ बराबरको १० लाख कित्ता एकाई ऋणपत्र निष्काशन गर्न लागेको बैंकले जनाएको छ ।
१० लाख कित्तामध्ये ४ लाख कित्ता सर्वसाधारणको लागि र बाँकि र ६ लाख कित्ता प्राइभेट प्लेसमेन्ट मार्फत बिक्रि गरिने बैंकले जनाएको छ ।
सर्बसाधारणलाई बिक्रि गरिने ४ लाख कित्ता मध्ये २० हजार कित्ता सामुहिक लगानी कोषलाई बिक्रि गर्नको लागि छुट्याईएको छ ।
प्रभु बैंक डिबेन्चर २०८६’ दिइएको १० बर्षे अवधिको यस ऋणपत्रमा १०.२५ प्रतिशत ब्याज पाइने छ । बैंकले ऋणपत्र निष्काशन गर्नको लागि सनराइज क्यापिटललाई बिक्रि प्रबन्धक नियुक्त गरेको छ ।
लगानीकर्ताले छिटोमा कार्तिक २५ गतेसम्म र सो अवधिसम्म पर्याप्त आवेदन पर्न नसकेमा मंगसिर २० गतेसमम्म आवेदन दिन सक्ने बैंकले जनाएको छ ।
