काठमाडौं । बालुवाटारस्थित सरकारी निवासमा बस्दै आएका सभामुख कृष्ण बहादुर महरा सरकारी निबासबाट अन्यत्र सर्ने तयारी गरेका छन् । अन्यत्र सर्नको लागि डेरा खोज्ने काम भइरहेको निवर्तमान सभामुख महरा निकट स्रोतले जानकारी दिएको छ ।
बिहिवार महराले सरकारबाट लिदै आएका सुरक्षा गार्ड र गाडी सुविधा फिर्ता गरेका छन् । महराको सुरक्षाका लागि क्याप्टेनको नेतृत्वमा १७ सैनिक र प्रहरी निरीक्षकको नेतृत्वमा ११ जना प्रहरी सुरक्षामा खटिएका थिए । बिहिबार नै उनीहरु फिर्ता भएका छन् ।
महराले चढ्दै आएको बा२झ १२६८ नम्बरको गाडी पनि बिहिवार दिउँसो संसद सचिवालय अन्तर्गतको सवारी शाखालाई बुझाएको जनाइएको छ ।
संसद सचिवालयमै कार्यरत एक महिला कर्मचारीले गत आइतबार साँझ आफ्नै डेरामा आई महराले यौन दुव्र्यवहारको आरोप लगाएएपछि महराले सभामुख पदबाट राजीनानमा दिएका थिए ।
