आइपीओ निष्काशनको लागि जनरल इन्स्योरेन्सको विक्री प्रबन्धक नियुक्त

126

काठमाडौं । जनरल इन्स्योरेन्स कम्पनीको ३० लाख कित्ता आइपीओ निष्काशन गर्ने भएको छ । कम्पनीले आइपीओ बेच्न एनआइबीएल एस क्यापिटललाई बिक्री प्रबन्धक नियुक्त गरेको छ ।

उक्त सम्झौतापत्रमा जनरल इन्स्योरेन्स कम्पनीका तर्फबाट महाप्रबन्धक एस.के.टमोट र एनआइबीएल एस क्यापिटलका नायव प्रमुख कार्यकारी अधिकृत मेख बहादुर थापाले सम्झौतापत्रमा हस्ताक्षर गरेका छन् ।

कम्पनीले प्रति सेयर १०० रुपैयाँ दरको ३० करोड रुपैयाँको ३० लाख कित्ता आइपीओ सर्वसाधारणमा जारी गर्न लागेको हो ।

कम्पनीको अधिकृत पूँजी २ अर्व रुपैयाँ, जारी पँुजी १ अर्व रुपैयाँ र चुक्ता पुँजी ७० करोड रुपैयाँ रहेको छ । कम्पनीले जारी पुँजीको ३० प्रतिशत सेयर सर्वसाधारणका लागि निष्कासन गर्नुपर्ने हुन्छ । आइपीओपछि कम्पनीको चक्ता पँुजी १ अर्व रुपैयाँ पुग्नेछ ।

कम्पनीले आइपीओ जारी गर्ने प्रस्ताव साधारण सभाबाट पारित गरिसकेको छ । अब धितोपत्र बोर्डमा आवेदन दिनुपर्ने हुन्छ । बोर्डबाट अुनमति पाएपछि निष्कासन गर्ने प्रक्रिया सुरु हुने जनाएको छ ।

 

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्