नेपाल लाइफको फिक्कल उपशाखाबाट बीमालेख जारी शुरु

330

इलाम । नेपाल लाइफ इन्स्योरेन्सले इलामको फिक्कल उपशाखाबाट बीमालेख जारी गर्न शुरू गरेको छ । सो उप शाखा संचालनमा आएको ८ वर्ष भए पनि त्यहाँबाट कुनै पनि बीमालेख जारी भएका थिएनन् । कम्पनीले सोमबारदेखि उक्त शाखाबाट बीमालेख जारी गर्न शुरु गरेको हो ।

नेपाल लाइफ इन्स्योरेन्सका वरिष्ठ एजेन्सी म्यानेजर भक्ति प्रसाद भट्टराईले कार्यक्रममा बोल्दै बीमितलाई यहीबाट सेवा दिन थालेपछि व्यवसाय वृद्धिमा थप सहज हुने बताए ।

उक्त कर्यक्रम कम्पनीका पूर्वाञ्चल क्षेत्रिय प्रवन्धक टिकादत्त प्याकुरेलको प्रमुख आतिथ्यमा सम्पन्न भएको थियो । कार्यक्रममा बोल्दै, प्याकुरेलले अब चाँडै नै उक्त शाखाबाट कर्जा, समर्पण लगायत सबै प्रकारका दावीहरू पाउने व्यवस्था पनि मिलाईने हुँदा ग्राहकलाइ थप सहज हुने बताए ।

कार्यक्रममा फिक्कल क्षेत्रका वरिष्एठ एजेन्सी म्यानेजर, एजेन्सी म्यानेजर, व्यवसाय संयोजक तथा अभिकर्ताहरू र बीमितहरूको उपस्थिति रहेको थियो । उक्त उपशाखाबाट पहिलो बीमा कुङ्गा छिरिङ्ग लामाले गराएका थिए ।

उक्त उपशाखाबाट बीमालेख जारी नहुँदा १०० कि. मि. टाढा झापास्थित बिर्तामोडबाट जारी हुने गरेको थियो ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्