दिपायल । कञ्चन डेभलपमेन्ट बैंक लिमिटेडले दिपायल सिलगढी न.पा., पिपल्ला बजार, दिपायल डोटीमा १७ औं शाखा संचालनमा ल्याएको छ । उक्त नयाँ शाखाको उद्घाटन दिपायल सिलगढी नगरपालिकाका उप–प्रमुख शिवराज खड्काले गरेका हुन् ।
शाखा उद्घाटन समारोहमा स्वागत मन्तव्य संचालक भरत बहादुर रोकायले गरेका थिए भने उक्त समारोहमा दिलपेश्वर मठक्षेत्र विकास समितीका अध्यक्ष कर्ण बहादुर द्धारिया, आदर्श गाउँपालिका वडा नं. ३ का वडा अध्यक्ष नरेन्द्र बहादुर रोकाया, दिपायल सिलगढी न. पा. का पुर्व उपमेयर प्रेम बहादुर शाह र आदर्श गाँउपालिकाका अध्यक्ष टेक बहादुर रोकायाले शुभकामना मन्तब्य राखेका थिए ।
प्रधान कार्यालय कञ्चनपुर जिल्लाको भिमदत्त नगरपालिका, महेन्द्रनगर बजारमा रहेको यस बैंकको हाल सम्म कञ्चनपुरमा ७ शाखा र २ एक्सटेन्सन काउण्टर, कैलालीमा ७ शाखा र १ एक्सटेन्सन काउण्टर, डडेल्धुरामा १ शाखा, बैतडीमा १ शाखा र डोटी १ शाखा गरि कुल १७ शाखा र ३ एक्सटेन्सन काउण्टर सञ्चालनमा आएका छन् ।
वर्तमान बजारको अवस्थालाई मध्यनजर गरि यस क्षेत्रका ग्राहकहरुको लागी अन्य बैंकले दिई रहेको व्याज भन्दा आकर्षक व्याज प्रदान गर्ने उदेश्यले यस बैंकले बचत खातामा ७.२५ देखि ८.५० प्रतिशत र मुद्दति खातामा ११ प्रतिशत सम्म व्याज दर कायम गरेको बैंकले जनाएको छ ।
