काठमाडौं । कालिका लघुवित्त वित्तीय संस्थाले आर्थिक वर्ष २०७५ ७६ को लागि लाभांश घोषणा गरेको छ । लघुवित्तले १२ दशमलव ६३ प्रतिशत लाभांश दिने भएको छ । शुक्रबार बसेको सञ्चालक समिति बैठकले हाल कायम चुक्ता पुँजीको १२ प्रतिशत बोनस सेयर र ० दशमलव ६३ प्रतिशत नगद लाभांश गरी कुल १२ दशमलव ६३ प्रतिशत लाभांश दिने निर्णय गरेको हो ।
लघुवित्तले १ करोड २९ लाख ६० हजार रुपैयाँ बराबरको बोनस वितरण गर्नेछ । यस्तै, बोनसमा लाग्ने कर प्रयोजनार्थ ६ लाख ८२ हजार १०५ रुपैयाँ नगद लाभांश पनि बाँड्नेछ ।
उक्त प्रस्तावित लाभांश नेपाल राष्ट्र बैंक र आगामी वार्षिक साधारण सभामा पेश गरिने छ त्यसपछि मात्र शेयरधनीलाई बाड्ने लघुवित्तले जनाएको छ ।
हाल यस लघुवित्तको चुक्ता पुँजी १० करोड ८० लाख रुपैयाँ रहेको छ । अहिले घोषणा गरेको बोनस सेयरपछि भने पुँजी १२ करोड ९ लाख ६० हजार रुपैयाँ पुग्नेछ ।
