Prabhu Life Ad Final

एयरबसको सर्भरमा पटक पटक ह्याक गर्ने प्रयास, कति पर्ला बीमा दावी ?

एजेन्सीहरु । म्याक्स ८०० जहाजमा आएको प्राविधिक समस्याका कारण अमेरिकी जहाज कम्पनी बोईङ यतिबेला आर्थिक संकटमा छ । यही मौकामा युरोपियन जहाज निर्माता कम्पनी एयरबसको मुख्य सर्भरमाथि पटक पटक साईबर आक्रमणको प्रयास भएको एयरबसेले जनाएको छ । सर्भर ह्याकमा के कति डाटाहरु क्षति भयो भन्ने एकिन विवरण बाहिर आइसकेको छैन । सो साईबर हमलाको बीमा दावी पर्ने देखिएको छ । नेपालमा त्यति प्रचलनमा नभए पनि अन्तर्राष्ट्रिय जगतमा साईबर आक्रमणको जोखिम बहन गर्न बीमा गर्ने चलन छ । एयरबस जस्तो कम्पनीको सुरक्षा मूल्याङ्कन गरी बीमा शुल्क निर्धारण पश्चात साईबर सुरक्षा सम्बन्धी जोखिम बहनका लागि करोडौं डलर खर्चेका हुन्छन् ।

NLIC

बिहिवार हालसम्म चार पटक चिनियाँ नागरिकले आक्रमण गरेको विवरण सार्वजनिक भएसँगै बीमा कम्पनी तथा पुनर्बीमा कम्पनीको टाउको दुख्न थालेको छ । ठूला कम्पनीहरुको जोखिम बहनका लागि पुनर्बीमा समेत गर्ने गरिएको हुँदा जोखिम बहन समेत सामूहिक रुपमा गरिएको हुन्छ ।

एयरबसमाथि चिनियाँ ह्याकरहरुले तथ्याङ्क चोरी गर्नको लागि शृङ्खलाबद्ध साइबर आक्रमण गरेको कम्पनीले जनाएको छ । आक्रमणकारीले मुख्यतया एयरबसका आपूर्तिकर्ताको विवरण चोरी गर्न खोजेको र त्यसमा असफल बनाएको जनाएको छ । एयरबसका सुरक्षा विज्ञहरुका अनुसार आक्रमणकारीहरु चिनियाँ नागरिक रहेको अन्तर्राष्ट्रिय समाचार एजेन्सीहरुले जनाएका छन् । युरोपियन जहाज निर्माता कम्पनी एयरबसमाथि भएको अहिलेसम्मकै ठूलो साईबर हमला भएको जनाएका छन् । एयरबस मात्रै नभएर उसले सामान आयत गर्ने कम्पनीहरुको समेत साईबर आक्रमणको प्रयास भएको छ । एएफपीका अनुसार एयरबसका निम्ति कार्य गर्ने दुई वटा फ्रान्सेली कम्पनीमाथि पनि साइबर आक्रमण भएको थियो ।
एयरबसले उक्त साईबर हमलाको बीमा दावी गर्छ वा गर्दैन खुलाएको छैन ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया दिनुहोस्

ADBL

सम्बन्धित समाचार

Insurance Khabar Mobile App