प्राइम लाइफ इन्स्योरेन्सको १२.५% बोनश पाउन कहिलेसम्म बन्ने शेयरधनी ?

199

काठमाडौं । प्राइम लाइफ इन्स्योरेन्सले १२ दशमलव ५ प्रतिशत बोनस सेयर प्रयोजनका लागि भदौ ३१ गते मंगलबार बुक क्लोज गर्ने भएको छ । कम्पनीको लाभांश पाउनका लागि भदौ ३० गते सोमबारसम्म सेयरधनी भइसक्नुपर्ने गरी कम्पनीले सुचना जारी गरेको छ ।

कम्पनीले बोनस अनुमोदन तथा अन्य एजेण्डाको लागि असोज ७ गते विशेष साधारण सभा बोलाएको छ । कम्पनीले आर्थिक वर्ष २०७४/७५ को नाफाबाट आफ्ना शेयरधनीलाई १२ दशमलव ५ प्रतिशत बोनस सेयर दिने निर्णय गरेको हो । कम्पनीले दिन लागेको उक्त बोनशको कर तिर्न नगद लाभांश पनि दिने जनाएको छ ।

कम्पनीले आर्थिक वर्ष २०७५/७६ को लाभांश घोषणा गर्न बाँकी छ । सामान्यतयः लाभांश प्रस्ताव वार्षिक साधारण सभाबाट अनुमोदन गरिने भए पनि प्राइमले भने विशेष साधारण सभामार्फत अनुमोदन गर्ने भनेको छ ।

कम्पनीले २२ करोड ३१ लख ४ हजार ३७५ रुपैयाँ बरारबरको बोनस वितरण गर्नेछ । बोनसमा लाग्ने कर प्रयोजनका लागि १ करोड १७ लाख ४२ हजार ३३६ रुपैयाँ नगद लाभांश पनि बाँड्नेछ । यो लाभांश नियामक बिमा समिति र आगामी साधारण सभाले अनुमोदन गरेपछि वितरण हुनेछ ।

हाल कम्पनीकोे चुक्ता पुँजी १ अर्ब ७८ करोड ४८ लाख ३५ हजार रुपैयाँ रहेको छ । बोनसपछि पुँजी २ अर्ब ७९ लाख ३९ हजार ३७५ रुपैयाँ पुग्नेछ ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्