काठमाडौं । डिसहोमले अनलाइनमार्फत सेट टप बक्स रिचार्ज गर्दा भारी छुट दिने विभिन्न प्याकेजहरु सार्वजनिक गरेको छ । डिसहोम फन्ड ट्रान्सफर सेवामार्फत ३ महिना, ६ महिना र वार्षिक रिचार्ज गर्दा विभिन्न छुट दिइने गरी विभिन्न प्याकेजहरु सार्वजनिक गरेको कम्पनीले जनाएको छ ।
३ महिनाको रिचार्जमा १ महिना, ६ महिनाको रिचार्जमा २ महिना र १२ महिनाको रिचार्जमा ४ महिनाको लागि ग्राहकले आफूलाई मनपरेको कुनै एक एड अन प्याकेज छानीछानी लिन सकिने जनाएको छ ।
वार्षिक रिचार्ज गर्दा पहिले चार हजार दुई रुपैयाँमा भएको बेसिक प्याकेज तीन हजार छ सय रुपैयाँमै हेर्न सकिनेछ ।
यस्तै, मिडियम प्याकेज चार हजार आठ सयको सट्टा चार हजार दुई सय, बेसिक प्लस पाँच हजार एक सयको सट्टा चार हजार पाँच र मिडियम प्लस ५ हजार ७०० रुपैयाँको सट्टा ४ हजार ९९८ रुपैयाँमा हेर्न सकिने समेत कम्पनीले जनाएको छ
सुपर एचडी ६ हजार रुपैयाँको सट्टा ४ हजार ९९९, प्रिमियम एचडी ७ हजार दुई सयको सट्टा पाँच हजार ७९९ र लाइफस्टाइल एचडी दश हजार आठ सयको सट्टा आठ हजार चार सयमै उपलब्ध हुने छ भने छुट सुविधा रिचार्ज कार्ड वा अन्य सेवा प्रदायकमार्फत रिचार्ज गर्दा प्राप्त नहुने पनि डिसहोमले जानकारी गराएको छ ।
फन्ड ट्रान्सफर सेवा डिसहोमको नेपालभर रहेका आधिकारिक बिक्रेतालगायत सबै डिलरहरुमा उपलब्ध रहेको छ । कम्पनीले हप्ताको सातै दिन चौबिसै घण्टा ग्राहक सेवा केन्द्र सञ्चालन, मोबाइल एप, आइभीआर सेवा, एसएमएस सेवा तथा विभिन्न सेवाहरु उपलब्ध गराउँदै आएको समेत कम्पनीले जनाएको छ ।
