पूर्वाधार सम्मेलन काठमाडौंमा सुरु

63

काठमाडौँ । नेपालको पूर्वाधार विकासमा लगानी जुटाउने उद्देश्यले आयोजना गरिएको नेपाल पूर्वाधार सम्मेलन काठमाडौंमा शुरु भएको छ । सरकार र निजि क्षेत्र मिलेर संयुक्त रुपमा आयोजना गरिएको सम्मेलनमा लगानीका सम्भावना, योजना र आयोजनाहरुको बारेमा छलफल हुनेछ ।

लगानी सम्मेलनका विभिन्न सेसनहरु आज विहानैदेखि सुरु भइसकेको छ । सम्मेलनको पहिलो सत्रमा पूर्व प्रधानमन्त्री डा. बाबुराम भट्टराईले निजगढ अन्तरराष्ट्रिय विमानस्थलमा गरिने लगानीको बहुआयामिक पाटोबारेमा प्रष्ट पारेका थिए ।
अहिले काठमाडौंमा केन्द्रित सहरीकरणलाई विकेन्द्रिकरण गर्न जरुरी रहेको र तराई मधेशसँग जोड्नुपर्नेमा उनले जोड दिए । उनले तराइ क्षेत्रमा सहरीकरण बढाउनको लागि समेत उक्त आयोजना अपरिहार्य भएको औल्याए । नेता भट्टराईले बजारको विकास गर्न हरेक गाउँसम्म सडक सञ्जाल जोड्नुपर्ने बताए ।

कार्यक्रममा राष्ट्रिय योजना आयोगका उपाध्यक्ष पुष्पराज कँडेलले पछिल्लो समय नेपालले श्रम ऐनदेखि विदेशी लगानी तथा प्रविधी हस्तान्तरण ऐनलगायत थुप्रै कानूनी सुधार गरेर लगानीको वातारण सुधार्न प्रयास गरेको बताए । डुइङ विजिनेशलाई सुधार गर्न नीतिगत र प्रकृयागत सुधारमा लागिएको उनले बताए ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्