काठमाडौं । चिनियाँहरुले नेपाली बैंकको प्रणाली ह्याक गरेर पैसा लुटेपछि नियामक नेपाल राष्ट्र बैंक सचेत देखिएको छ । राष्ट्र बैंकले मंगलबार एक निर्देशन जारी गर्दै बैंक तथा वित्तीय संस्था तथा अनलाईन पे सम्बन्धी काम गर्ने सबैले नियमित रुपमा आईटी सिष्टम अडिट गर्न भनेको छ ।
सुचना प्रविधि प्रणालीमा सुरक्षा थप गर्न र जोखिम न्यूनीयकर तथा ब्यवस्थापनका लागि निर्देशन जारी गरेको छ । एटीएम ह्याक प्रकरणपछि राष्ट्र बैंकले बैंकहरुलाई सुरक्षित प्रविधिको प्रयोग गर्न तीनबुँदे निर्देशन दिएको छ ।
हाल बैंकहरुले प्रयोग गरिरहेको सूचना प्रणालीमा बाहिरबाट आएका अनधिकृत पहुँच रोक्न भरपर्दो र सुरक्षित प्रविधि अपनाउन निर्देशन दिएको हो । ह्याकरले नेपाली बैंकहरुको स्वीफ्ट कोड समेत ह्याक गर्न भ्याईसकेका छन् ।
ह्याकरहरुले नक्कली पत्राचार र भुक्तानीको आदेह रोक्न आवश्यकता अनुसार अनुगमन गर्न र कुनै घटना वा प्रविधिमा आक्रमण सूचना दिनुपर्ने व्यवस्था गरेको छ ।
विद्युतीय भुक्तानी प्रणालीहरुको आवश्यकता अनुगमनको ब्यवस्था गर्ने र भएका इन्सिडेन्ट र आक्रमणको सुचना सम्बन्धित निकायमा दिने ब्यवस्था गर्न पनि निर्देशन दिएको छ ।
