काठमाडौं । लक्ष्मी लघुवित्त वित्तीय संस्थाले आर्थिक वर्ष २०७५ ७६ को लागि २६ दशमलव ३२ प्रतिशत लाभांश दिने घोषणा गरेको छ । कम्पनीको मंगलबार बसेको सञ्चालक समिति बैठकले २०७५–७६ को नाफाबाट १५ प्रतिशत बोनस सेयर र ११ दशमलव ३२ प्रतिशत नगद वितरण गर्ने निर्णय गरेको हो ।
कम्पनीले ३ करोड ६३ लाख रुपैयाँ बराबरको बोनस वितरण गर्नेछ भने २ करोड ७३ लाख ८४ हजार २११ रुपैयाँ नगद बाँड्नेछ ।
नेपाल राष्ट्र बैंक र आगामी साधारण सभाबाट अनुमोदन भएपछि लगानीकर्तालाई वितरण प्रक्रिया अघि बढ्नेछ । हाल लक्ष्मीको चुक्ता पुँजी २४ करोड २० लाख रुपैयाँ छ । बोनस वितरणपछि पुँजी २७ करोड ८३ लाख रुपैयाँ पुग्नेछ ।
