एभरेष्ट बैंक लिमिटेडका ग्राहकहरुले पोखराको होटल स्नो पीकमा १० प्रतिशत सम्मको छुट पाउने भएका छन् । बैंकले आफ्ना ग्राहकलाई छुट र स्पेशल प्याकेजको व्यवस्था गर्न पोखराको होटल स्नो पीकसँग साझेदारी गरेसँगै बैंकका ग्राहकले सो बरबारको छुट पाउने भएका हुन् ।
एभरेष्ट बैंक र होटल स्नो पीकबीच हस्ताक्षर भए अनुसार ग्राहकहरुले आवास (सबै प्रकारका कोठाहरु), खाना र पेय पदार्थमा १० प्रतिशत सम्म छुट पाउने छन् । ग्राहकहरुले एभरेष्ट बैंकको एटिएम वा क्रेडिट कार्ड देखाएर उक्त छुट पाउन सक्नेछन् ।
“सर्भिस विथ स्माईल” नारा सहित एभरेष्ट बैंकले सदैव ग्राहकको लाभ र सन्तुष्टिलाई मध्येनजर गर्दै आएको छ । एभरेष्ट बैंकले हाल आफ्ना ९४ वटा शाखाहरु, २८ राजस्व संकलन काउन्टर र १२० एटिएम तथा बृहत बाह्य सन्जाल मार्फत उत्कृष्ट सेवाहरु प्रदान गर्दै आइरहेको छ ।
