काठमाडौं । आजबाट घोडिघोडा लघुवित्त वित्तीय संस्थाको सेयर कारोबार खुलेको छ । नेप्सेले घोडिघोडा लघुवित्तको सेयर कारोबारका लागि ७७.०१ रुपैयाँदेखि २३१.०३ रुपैयाँसम्म ओपन रेन्ज दिएको छ ।
लघुवित्तको पहिलो सेयर कारोबार यही रेन्जभित्र रहेर हुनेछ । लघुवित्तले हिजो मंगलबार २ लाख ७६ हजार २५० कित्ता सेयर नेप्सेमा सूचीकृत गराएको हो ।
घोडिघोडा लघुवित्तले गत असार २० देखि २४ गतेसम्म कुल १ लाख ३२ हजार ६०० कित्ता सेयर निष्कासन गरेको थियो ।
