काठमाडौं । किसान माइक्रोफाइनान्स वित्तीय संस्थाले आर्थिक वर्ष २०७५ ७६ को लागि लाभांश घोषणा गरेको छ । लघुवित्तले २४ प्रतिशत बोनस सेयर र कर तिर्न १ दशमलव १४ प्रतिशत नगद लाभांश दिने भएको हो ।
कम्पनीको सोमबार भदौ १६ गते बसेको सञ्चालक समिति बैठकले उक्त अनुपातमा लाभांश दिने निर्णय गरेको हो । अघिल्लो वर्ष लघुवित्तले २९ प्रतिशत बोनस र १ दशमलव ५३ प्रतिशत नगद लाभांश दिएको थियो ।
कम्पनीको प्रस्तावित लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि मात्र लगानीकर्ताशरुले पाउने छन् ।
हाल कम्पनीको चुक्ता पुँजी ८ करोड ६० लाख ९ हजार रुपैयाँ रहेको छ । बोनस सेयर वितरणपछि पुँजी १० करोड ६६ लाख ५१ हजार २८० रुपैयाँ पुग्नेछ ।
