काठमाडौं । शनिबार रातिदेखि आइतबार विहानसम्म मच्चिएको बैंकरप्ट काण्डमा नेपाली एटिएम मेशिनबाट कति रकम झिकियो भन्ने अझै स्पष्ट भइसकेको छैन । नेपालबाट मात्र नभई ह्याकरहरुले भारतबाट समेत रकम झिकेको फेला परेको छ । त्यसको अनुसन्धान भइरहेको छ । नेपाल राष्ट्र बैंक तथा प्रहरीले पनि अनुसन्धान तीव्र रुपमा जारी छ ।
उता, बैंक ह्याकरहरुले भारतबाट समेत रकम निकालेको खुलेको छ । भारत समेत चल्ने नेपाली भिषा कार्ड प्रयोग गरी रकम निकालेको नेपाल बैंकर्स संघका अध्यक्ष ज्ञानेन्द्र ढुंगानाले आइतबार टेकुमा आयोजित पत्रकार सम्मेलनमा जानकारी दिए । नेपाल राष्ट्र बैंकले समेत भारतबाट पनि रकम झिकेको पुष्टि गरेको छ । तर कति रकम झिकेको भन्ने विवरण आईनसकेको जनाइएको छ ।
अध्यक्ष ढुंगानाका अनुसार अनुसार ह्याकरहरुले भारतबाट कति रकम झिकियो भन्ने एकिन भइसकेको छैन । प्राप्त जानकारी अनुसार नेप्सको नेटवर्कमा आबद्ध भएका बैंकको भिषा कार्डमार्फत रकम झिकिएको रिपोर्ट आइसकेको छ ।
