काठमाडौं । रिलायबल लाइफ इस्योरेन्स कम्पनीले आफ्नो तोस्रो वार्षिकोत्सवको उपलक्ष्यमा रक्तदान तथा निः शुल्क स्वास्थ्य परिक्ष्ण कार्यक्रम सम्पन्न गरेको छ । उक्त कार्यक्रम कम्पनीको केन्द्रीय कार्यालय ज्ञानेश्वरमा सम्पन्न गरेको हो।
कम्पनीका प्रमुख कार्यकारी अधिकृत नारायणबाबु लोहनी र शाखा प्रबन्धक यम पोखरोल र कम्पनीका कर्मचारीहरु समेतले रक्तदान कार्यक्रममा सहभागी भएका थिए । उक्त कार्यक्रममा ५१ जनाले रक्तदान गरेको कम्पनीले जनाएको छ ।
कम्पनीका प्रमुख कार्यकारी अधिकृत लोहनीले रक्तदाताहरुलाई प्रमाणपत्र समेत हस्तान्तरण गरेका थिए । साथै कम्पनीले आफनो बार्षिकोत्सवको अवसरमा उत्कृष्ट अभिकर्ताहरुलाई सम्मान गर्ने भएको छ । उक्त अभिकर्ता सम्ममान कार्यक्रम बेलुका ५ बजे हुने कम्पनीले जनाएको छ ।
