काठमाडौं । काठमाडौं । एजएलजी इन्स्योरेन्सले असोज ८ गते १३ औं वार्षिक साधारण सभा गर्ने भएको छ । भदौ १२ गते बसेको कम्पनीको संचालक समितिको बैठकको निर्णय अनुसार सभको मिति तय गरिएको हो । साधारण सभा आम्रपाली ब्यांकेट, थिरबम सडक बालुवाटार काठमाडौंमा बिहान ११ बजे सुरु हुने कम्पनीले जनाएको छ ।
सभा प्रयोजनका लागि एनएलजीले भदौ २५ गते बुक क्लोज गर्नेछ । यस आधारमा भदौ २४ गतेसम्म कायम सेयरधनी मात्र सभामा भाग लिन सक्नेछन् ।
सभामा आर्थिक वर्ष २०७४/७५ को वार्षिक प्रतिवेदन पारित गर्ने प्रस्ताव पनि छ । त्यस्तै, लेखापरीक्षक नियुक्त गरी पारिश्रमिक निर्धारण गर्ने एजेन्डा छ ।
कम्पनीले जेठ १४ गतेको विशेष साधारण सभाबाट १०ः६ अनुपातमा हकप्रद सेयर जारी गर्ने प्रस्ताव पारित गरिसकेको छ ।
हाल कायम ६४ करोड ४ लाख ६ हजार २५० रुपैयाँ चुक्ता पुँजीमा ६० प्रतिशत हकप्रद सेयर निष्कासन गर्न लागेको हो । १०० रुपैयाँका दरले कुल ३८ लाख ४२ हजार ४३७.५ कित्ता सेयर निष्कासन गर्नेछ । हकप्रदपछि पुँजी १ अर्ब २ करोड ४६ लाख ५० हजार रुपैयाँ पुग्नेछ ।
तर, कम्पनीले आर्थिक वर्ष २०७४ /७५ को नाफाबाट सेयरधनीलाई लाभांश वितरण नगर्ने भएको छ । कम्पनीले नियमनकारी निकायले गरेको व्यवस्था अनुसार एनएफआरएस पद्धतिबाट वित्तीय विवरण तयार पार्दा जगेडा कोष तथा अन्य व्यवस्थाहरु कायम गर्नुपर्ने भएकाले आर्थिक वर्ष २०७४ / ७५ को नाफाबाट लगानीकर्तालाई लाभांश वितरण नगर्ने कम्पनीले जनाएको छ ।
