काठमाडौं । नेको इन्स्योरेन्स कम्पनीले भोली शनिबार (भदौ १४ गते) वार्षिक साधारण सभा बोलाएको छ । कम्पनको भदौ १० गते बसेको संचालक समितिको बैंठकको निर्णयले उक्त सभाको मिति तय गरेको हो ।
सभा प्रयोजनका लागि कम्पनीले भदौ ३ गतेदेखि भदौ १४ गतेसम्म बुक क्लोज गरेको छ । भदौ २ गतेसम्म कायम सेयरधनीले मात्र १२ प्रतिशत बोनस सुरक्षित गर्न सक्नेछन् ।
सभामा कम्पनीले गत वर्षको नाफाबाट १२ प्रतिशत बोनस र कर तिर्न ०.६३ प्रतिशत नगद लाभांश वितरण गर्ने प्रस्ताव पेश हुनेछ ।
कम्पनीले १४ करोड ११ लाख ५३ हजार ४०८ रुपैयाँ बराबरको बोनस वितरण गर्नेछ । कर तिर्न ७४ लाख २९ हजार १२७ रुपैयाँ नगद पनि छुट्याइएको छ ।
हाल कम्पनीको चुक्ता पुँजी १ अर्ब १७ करोड ६२ लाख ७८ हजार ४०० रुपैयाँ छ । बोनस वितरणपछि कम्पनस्ीको पुँजी १ अर्ब ३१ करोड ७४ लाख ३१ हजार रुपैयाँ पुग्नेछ ।
