सिद्धार्थ इक्विटी फन्डले ११ प्रतिशत लाभांश दिने

काठमाडौं । सिद्धार्थ इक्विटी फन्डले नगद लाभांश वितरण गर्ने प्रयोजनको लागि बुक क्लोज मिति तय गरेको छ । फन्डले ११ प्रतिशत नगद लाभांश वितरण गर्न भदौ १ गते बुक क्लोज गर्ने भएको छ ।

योजना व्यवस्थापक सिद्धार्थ क्यापिटलको गत सोमबार (साउन ६) गते बसेको सञ्चालक समिति बैठकले लगानीकर्तालाई कर सहित ११ प्रतिशत नगद दिने घोषणा गरेको हो । साउन ३२ गते शनिबार सम्म कायम रहने सेयरधनीले मात्र लाभांश दाबी गर्न पाउनेछन् । शुक्रबार र शनिबार सेयर बजार बन्द हुने भएकाले यो लाभांश सुरक्षित गर्न साउन ३० गते बिहीबार सम्ममा इकाइधनी बनिसक्नुपर्नेछ । सिद्धार्थ इक्विटी फन्डले आर्थिक वर्ष २०७५/७६ को नाफाबाट प्रतिफल वितरण गर्न लागेको हो ।

यो फन्डको योजना व्यवस्थापकमा सिद्धार्थ क्यापिटल रहेको छ । यसलाई सिद्धार्थ बैंकले प्रवद्र्धन गरेको हो ।फन्डले नगद लाभांश वितरणमा १६ करोड ५० लाख रुपैयाँ खर्च गर्नेछ । असार मसान्तमा यस फन्डको प्रतिइकाई खुद सम्पति मूल्य ३ पैसाले घटेर ११ रुपैयाँ २४ पैसामा आएको छ ।

 

प्रतिक्रिया दिनुहोस्

सम्बन्धित समाचार