लघुवित्त कम्पनीहरुको लोभलाग्दो ग्रोथ, १९ मध्ये कस्को कति ?

बैंक तथा वित्तीय संस्थाहरुले धमाधम चौथो त्रैमासको वित्तीय विवरण प्रकाशित गर्ने क्रममा छन् । हालसम्म २२ वटा लघुवित्त वित्तीय संस्थाहरुले आर्थिक वर्ष २०७५/७६ को चौथो त्रैमासको वित्तीय विवरण प्रकाशित गरेका छन् । जसमध्ये १९ वटा लघुवित्तको वित्तीय विवरणलाई तुलनात्मक अध्यन गर्दा धेरैको “ग्रोथ” राम्रो देखिएको छ । गत आर्थिक वर्षको चौथो त्रैमासको वित्तीय विवरण प्रकाशित गरेकामध्ये तीन लघुवित्त त्रिलोक, जीवन विकास र जनसेवी लघुवित्तको नेप्सेमा सूचिकृत नभएको कारण तुलनात्मक अध्ययनमा  सामावेश  गरिएको छैन् ।
हालसम्म वित्तीय विवरण प्रकाशित गरेका र नेप्सेमा सूचिकृत १९ वटा लघुवित्त मध्ये धेरै जसो लघुवित्त वित्तीय संस्थाहरुको प्रमुख सूचकहरुमा राम्रो “ग्रोथ” देखिएको छ ।
आर्थिक वर्ष २०७५/७६ को वित्तीय विवरण प्रकाशित गरेका नेप्सेमा सूचिकृत १९ वटा कम्पनीमध्ये सबैभन्दा धेरै आरएमडीसी लघुवित्तले  ३३ करोड रुपैयाँ खुद नाफा गर्न सफल भएको छ भने नेशनल माईक्रोफाईनान्सको प्रति शेयर आम्दानी सबै  धेरै ८७ रुपैयाँ १२ पैसा छ।

चोथो त्रैमासको वित्तीय विवरणलाई महत्वपुर्ण विवरणको रुपमा लिने गरिन्छ । किनकी चौथो त्रैमासको वित्तीय विवरणले लाभांश निर्धारण गर्ने गर्दछ । कम्पनीहरुको राम्रो वित्तीय विवरण प्रकाशित हुनु भनेको यसले दोश्रो बजारलाई बलियो टेवा दिने गर्दछ। परिपक्क दोश्रो बजारमा कम्पनीहरु आधारभूत रुपमा बलिया हुन्छन ।

अहिलेसम्म वित्तीय विवरण सार्वजनिक गरेका धेरैजसो लघुवित्त कम्पनीले महत्वपूर्ण सूचकमा सुधार गरेका छन् । नाफा बढेको छ । लघुवित्त कम्पनीहरुको जगेडा कोष मजबुत बन्दै गएको छ भने प्रतिसेयर आम्दानीमा पनि आकर्षक वृद्धि भएको छ ।
आर्थिक वर्ष २०७५/७६ मा लघुवित्तहरुको राम्रो प्रर्दशनसँगै दास्रो बजारमा शेयर मुल्य बढ्ने क्रम जारी रहेको छ ।
नाफाको आधारमा ग्रोथ गरेका कम्पनीहरु
आर्थिक वर्ष २०७५/७६ को अहिलेसम्म वित्तीय विवरण प्रकाशित गरेका नेप्सेमा सूचिकृत १९ लघुवित्त कम्पनीमध्ये धेरै जसो लघुवित्तहरुको नाफामा राम्रो सुधार भएको देखिन्छ । जसमध्ये सबैभन्दा धेरै स्पर्स लघुवित्तले १५३,५८ प्रतिशतले नाफा बढाएको छ । गणपति माइक्रोफाइनान्सले १२२० प्रतिशतले नाफा बढाएको छ ।
त्यस्तै नेपाल एग्रो लघुवित्तले ६ सय ६ प्रतिशतले नाफा बढाएको छ भने ग्लोबल आइएमई लघुवित्तले ३ सय ३३ प्रतिशतले, आशा लघुवित्तले २ सय ५३ प्रतिशतले,समता माइक्रोफाइनान्सले २ सय ४९ प्रतिशतले, इन्फिनीटी लघुवित्तले २ सय ३२ प्रतिशतले र चौतारी लघुवित्तले १ सय ७४ प्रतिशतले नाफा बढाउन सफल भएका छन् ।

१९ कम्पनी मध्य कालिका लघुवित्तको नाफा भने २० प्रतिशतले घटेको छ । बाँकि वित्तीय विवरण प्रकाशित गरेका लघुवित्तहरुले राम्रो नाफा कमाएको देखिन्छ ।

प्रति शेयर आम्दानीको आधारमा
नेप्सेमा सुचिकृत रहेका र २०७५/७६ को चौथो त्रैमाससम्ममा वित्तीय विवरण प्रकाशित गरेका १९ वटा लघुवित्त वित्तीय संस्थाहरुमध्ये सबैभन्दा धेरै स्पर्स लघुवित्तको प्रति शेयर आम्दानी १०३३४ प्रतिशतले बृद्धि भएको छ । गणपति माइक्रोफाइनान्सको प्रति आम्दानी ८५७ प्रतिशतले बृद्धि भएको छ । नेपाल एग्रो लघुवित्तको ३७७, ग्लोबल आइएमई लघुवित्तको १५५, विजय लघुवित्तको १५० र आशा लघुवित्तको १३८ र इन्फिनीटी लघुवित्तको प्रति शेयर आम्दानी १२४ प्रतिशतले बृद्धि भएको छ ।
२०७५/७६ को चौथो त्रैमाससम्ममा वित्तीय विवरण प्रकाशित गरेका १९ वटा लघुवित्त वित्तीय संस्थामध्ये स्वदेशी लघुवित्त, मेरो माइक्रोफाइनान्स र कालिका लघुवित्तको प्रति शेयर आम्दानी भने घटेको छ ।

उपलब्ध तथ्यांक कम्पनीले प्रकाशित गरेको वित्तीय विवरण बाट तयार गरिएको हो , यो विस्लेषण पूर्ण होइन लगानीकर्ताले कारोवारको निर्णय लिनु अघि थप अनुसन्धान गर्नु पर्ने छ 

प्रतिक्रिया दिनुहोस्

सम्बन्धित समाचार