काठमाडौं । हिमालयन जनरल इन्स्योरेन्सले पनि अघिल्लो आर्थिक वर्षको सञ्चालन मुनाफाबाट लाभांश नदिने भएको छ । कम्पनीको सञ्चालक समितिको बैठकले आगामी असोज ६ गते साधारणसभा गर्ने भएको छ । यही साउन १४ गते बसेको कम्पनीको सञ्चालक समितिको बैंठकले निर्णय अनुसार कम्पनीले असोज ६ गते सोमबार बबरमहल स्थिति कार्की ब्यांक्वेटमा सभागर्ने निर्णय गरेको हो ।
कम्पनीले साधारणसभा प्रयोजनको लागिभदौ १७ गतेदेखि असोज ६ गतेसम्म बुक क्लोज गर्ने निर्णय गरेको छ ।भदौ १६ गतेसम्मकायम शेयरधनीले मात्र उक्त साधारणसभामा भाग लिन सक्ने जनाएको छ ।
कम्पनीले एनएफआरएस बमोजिम वित्तीय विवरण तयार पार्दा जगेडा कोष तथा अन्य व्यवस्थाहरु कायम गर्नुपर्ने भएकोले आर्थिक बर्ष ०७४/७५ को मुनाफाबाट लाभांश वितरण नगर्ने जनाएको छ ।
हिमालयन जनरल इन्स्योरेन्ससँगै आव २०७४÷०७५ बाट लाभांश नदिने बीमा कम्पनीको संख्या छ पुगेको छ । एनएलजी, प्रभु, शिखर, लुम्बिनी जनरल र प्रुडेन्सियलले यसअघि नै लाभांश नदिने घोषणा गरिसकेका छन् । हिमालय जनरल सहित कूल बीमा कम्पनीको संख्या ६ वटा पुगेको छ ।
